EDSA 25

Baynte singkong taon. Halawig nang panahon. Saro na ining henerasyon. Boot sabihon, si mga namundag kan enot na People Power igwa na nin sadiring mga pamilya ngunyan. Boot sabihon, an mga young professionals ngunyan, an mga estudyante sa kolehiyo ngunyan, mga dai pa namundag kan EDSA I. Boot sabihon, saro naman na henerasyon an napara sa kinaban sa laog nin baynte singkong taon.

Boot sabihon, namimiligro na an EDSA I na malingawan.

Kaipuhan padagos an pagsalingoy ta sa EDSA I. Pasalamatan an pangyayaring ini huli kan pagkabuhay-liwat kan demokrasya sa Pilipinas. Napatalsik an diktador. Natapos an halawig na panahon nin pagpapatakot asin pang-aapi sa banwaan.

Alagad, satong girumdumon, na mayo duman sa pagpatalsik kan diktador an tunay na kapangganahan. An tunay na diktador yaon pa man giraray.  Sya yaon sa satong mga puso. Sya idtong natood na patakuton, natood na apihon. Sya an naghihidaw na buhawon-liwat an diktador asin ibalik sa saiyang banwaan. Sya an dahilan kun tano ta sagkod ngunyan, haros mayo man nin pagbabago sa satong nasyon. Sya an dahilan kun tano ta yaon man giraray an mga kakambal kan napatalsik na diktador.

Hilaw pa an satong kapangganahan. Dakul pang people power an kaipuhan. Dakul pang henerasyon an dapat makilaban.

Ngunyan, bako na sa EDSA kun sain nagsasaring-sing an mga tinampo, asin dai masayod an mga trapiko.